ໄຂຂໍ້ສົງໄສວ່າເປັນຫຍັງຄົນມີຄູ່, ມີຊູ້, ມີແຟນ ຄືມັກຈັບມື, ເກາະແຂນ, ກອດ ແລະ ສໍາຜັດໂຕກັນທຸກຄັ້ງທີ່ມີໂອກາດ (ໜ້ອຍໜຶ່ງກະເອົາ) ເຊິ່ງພຶດຕິກຳເຫຼົ່ານີ້ນັ້ນລ້ວນແຕ່ເປັນສິ່ງທີ່ປົກກະຕິຫຼາຍສໍາລັບຄົນທີ່ມີຄວາມຮູ້ສຶກຫວານຊຶ້ງຕໍ່ກັນ.
ການສໍາຜັດເປັນການສະແດງຄວາມຮັກທີ່ສໍາຄັນທີ່ສຸດຂອງມະນຸດ, ເຮົາສາມາດກຳນົດປະລິມານຄວາມຮັກຂອງເຮົາຜ່ານການສໍາຜັດໄດ້, ຖ້າທັງສອງຄົນສະໜິດກັນກັນທາງໃຈເທົ່າໃດ ການສໍາຜັດກໍຈະໃກ້ຊິດເທົ່ານັ້ນ.
ໃນທາງວິທະຍາສາດເອີ້ນການສໍາຜັດເຫຼົ່ານີ້ວ່າ “ລະບົບປະສາດຮັບຄວາມຮູ້ສຶກທາງຮ່າງກາຍ” ເຊິ່ງໃນເວລາເຮົາຖືກສໍາຜັດ, ສະໝອງຈະປະມວນຜົນວ່າການສໍາຜັດນີ້ມີອັນຕະລາຍ, ມີຄວາມຮັກ, ຄວາມຝືນໃຈມານໍາ. ແລ້ວການສໍາຜັດໂຕຈາກຄົນທີ່ຮັກກັນດ້ວຍໃຈຈິງຈະສາມາດເຮັດໃຫ້ເຮົາເສບຕິດຄວາມສຸກຈາກອ້ອມກອດແຫ່ງຄວາມຈິງໃຈໄດ້.
ມີງານວິໄຈບອກອີກວ່າ, ການສໍາຜັດໂຕແບບສກິນຊິບ (Skin ship) ຫຼື ການສະແດງຄວາມຮັກດ້ວຍສຳຜັດທາງກາຍນັ້ນ ສາມາດເຮັດໃຫ້ມະນຸດມີສະພາວະທາງອາລົມດີຂຶ້ນ, ເຮັດໃຫ້ຄວາມເຄັ່ງຄຽດຫາຍໄປ ແລະ ຜ່ອນຄາຍຄວາມກັງວົນ.
ສະຫຼຸບແລ້ວການສໍາຜັດໂຕນັ້ນ, ເປັນການສະແດງຄວາມຮັກທີ່ທັງສອງມີໃຫ້ກັນ ແລະ ກັນ, ແຕ່ທຸກຄົນກໍຈົ່ງຢ່າລືມວ່າເລື່ອງນີ້ຕ້ອງໄດ້ຮັບການຍິນຍອມຈາກທັງສອງຝ່າຍກັບຕ້ອງເຮັດໃຫ້ຖືກກາລະເທສະ ແລະ ຖ້າໃຜທີ່ເຂີນອາຍກັບການບອກຮັກ ການສໍາຜັດກໍອາດເປັນວິທີສົ່ງຄວາມຮັກໄປໃຫ້ຄູ່ຂອງໃຈແບບນຽນໆໄດ້
ໂດຍ: ທີມບັນນາທິການ Muan
