ການທີ່ເຈົ້າເປັນຄົນໃຈດີ ແລະ ມັກຊ່ວຍເຫຼືອຄົນອື່ນນັ້ນຖືວ່າເປັນສິ່ງທີ່ດີ, ແຕ່ຖ້າມັນຫຼາຍເກີນໄປຈົນບໍ່ມີໃຜເກງໃຈເດເພາະມັນໄດ້ເລີ່ມສ້າງຄວາມລຳບາກເພີ່ມຕື່ມໃຫ້ເຈົ້າຈົນທົນບໍ່ໄຫວແລ້ວ. ແຕ່ສຸດທ້າຍກໍປະຕິເສດບໍ່ໄດ້ເພາະຮູ້ສຶກຜິດເຮັດໃຫ້ຕັດສິນໃຈຊ່ວຍທຸກຄັ້ງ.
ໃຜທີ່ເປັນຄົນປະເພດ “People Pleaser ຫຼື ໂດຍ ເຮັດໄດ້ໝົດ, ໂອເຄ ດຽວເຮັດໃຫ້” ເຈົ້າຕ້ອງຢຸດອ່ານກ່ອນເລີຍເດີ. ເພາະການເປັນຄົນທີ່ອີ່ຫຍັງກະໄດ້, ຂີ້ເກງໃຈໃຜຂໍຫຍັງມາກໍເຮັດໃຫ້ໝົດ, ເພາະເປັນຄົນມັກຊ່ວຍເຫຼືອຄົນອື່ນບາງຄັ້ງມັນກໍເກີນໂຕຫຼາຍເກີນໄປ ແລະ ອາດຈະຝືນຕົວເອງໄປຫຼາຍກໍຍອມໄປກ່ອການນຈົນເຮັດໃຫ້ຕົວເອງລຳບາກເອງ.
ການຢຸດເປັນຄົນແບບ People Pleaser ຫຼຶ ຜູ້ທີ່ພະຍາຍາມເຮັດໃຫ້ທຸກຄົນພໍໃຈຕະຫຼອດເວລາ. ເປັນການປ່ຽນແປງທີ່ສຳຄັນຫຼາຍທັງຕົວເຈົ້າເອງ ແລະ ຄົນອ້ອມຂ້າງ, ເພື່ອທີ່ຈະເຮັດໃຫ້ເຈົ້າສາມາດດໍາລົງຊີວິດໄດ້ງ່າຍຂຶ້ນ. ໂດຍທີ່ບໍ່ຕ້ອງໃຊ້ຄວາມພະຍາຍາມຫຼາຍເກີນໄປ, ທີ່ຈະດໍາລົງຊີວິດຕາມຄວາມຄາດຫວັງຂອງຄົນອື່ນ.
ການເປັນຄົນປະເພດນີ້ມັກຈະເຮັດໃຫ້ເກີດຄວາມກົດດັນ ແລະ ມັນເຮັດໃຫ້ເຈົ້າມັກທີ່ຈະລະເລີຍຄວາມຕ້ອງການຂອງຕົວເອງ. ມື້ນີ້ມ່ວນເລີຍຂໍແບ່ງປັນວິທີການປັບຕົວໃນການຢຸດເປັນຄົນແບບ People Pleaser ແລະ ເລີ່ມໃສ່ໃຈຕົນເອງໃຫ້ຫຼາຍຂຶ້ນ.
ມື້ນີ້ມ່ວນເລີຍຊອກຫາວິທີການຕ່າງໆມາແຊຣ໌ໃຫ້ທຸກຄົນໄດ້ລອງສືກສານຳກັນວ່າເຮົາຈະນຳມາປັບໃຊ້ໄດ້ແນວໃດແດ່?
1. ລະວັງພຶດຕິກຳ People Pleaser.
ທໍາອິດເລີຍແມ່ນການຍອມຮັບ ແລະ ຮັບຮູ້ພຶດຕິກໍາຂອງຕົນເອງ, ເຈົ້າມັກທຸ້ມເທ ແລະ ເຮັດເພື່ອຄົນອື່ນຫຼາຍເກີນໄປ ເຊັ່ນວ່າ “ໄດ້” ເຖິງແມ່ນວ່າເຈົ້າບໍ່ຢາກທີ່ຈະເຮັດມັນແມ່ນບໍ? ແລະ ການຢ້ານທີ່ຈະເຮັດໃຫ້ຄົນອື່ນຜິດຫວັງ ເປັນຕົ້ນ. ໃຫ້ເຈົ້າລອງສັງເກດເບິ່ງພຶດຕິກໍາເຫຼົ່ານີ້, ເພາະມັນຈະຊ່ວຍໃຫ້ເຈົ້າກໍານົດຈຸດເລີ່ມຕົ້ນຂອງການປ່ຽນແປງ ແລະ ປັບຕົວ.
2. ຮຽນຮູ້ທີ່ຈະປະຕິເສດວ່າ “ບໍ່ສະດວກ”.
ການຮຽນຮູ້ທີ່ຈະປະຕິເສດ ແລະ ຊັດເຈນໃນການເວົ້າ, ເປັນທັກສະທີ່ສຳຄັນທີ່ຈະຢຸດການເປັນຄົນທີ່ຕ້ອງເຮັດໃຫ້ຖືກໃຈ ຫຼື ເຮັດໃຫ້ທຸກຄົນພໍໃຈ. ຈຸດເລີ່ມຕົ້ນໃນການພະຍາຍາມແທນທີ່ຈະຮັບຮູ້ທຸກຄໍາຮ້ອງຂໍໂດຍໃຫ້ປະຕິເສດວ່າ “ບໍ່ໄດ້” ຫຼື “ບໍ່ສະດວກ” ກັບສິ່ງທີ່ເຮັດໃຫ້ເຈົ້າບໍ່ສະບາຍໃຈ ຫຼື ມີຄວາມຫຍຸ້ງຍາກສໍາລັບເຈົ້າ.
3. ໃຫ້ຄວາມສຳຄັນກັບຄວາມຕ້ອງການຂອງຕົນເອງ.
ໃຫ້ເລີ່ມຖາມຕົວເອງວ່າ: “ຂ້ອຍຮູ້ສຶກແນວໃດ?” ກ່ອນທີ່ຈະຍອມຕົກລົງທີ່ຈະຊ່ວຍໃຜຜູ້ໜຶ່ງ. ການຮູ້ເຖິງຄວາມຕ້ອງການຂອງຕົວເອງກ່ອນຈະຊ່ວຍໃຫ້ເຈົ້າຫຼີກລ້ຽງການໃຫ້ຄວາມຊ່ວຍເຫຼືອຄົນອື່ນໃນການດູແລຕົວເອງ.
4. ການກໍານົດຂອບເຂດ.
ການກໍານົດຂອບເຂດທີ່ຊັດເຈນກັບຄົນອ້ອມຂ້າງແມ່ນສໍາຄັນ. ເຈົ້າຈໍາເປັນຕ້ອງຮູ້ວ່າໃນສະຖານະການໃດທີ່ເຈົ້າເຕັມໃຈທີ່ຈະຊ່ວຍ ແລະ ໃນກໍລະນີໃດທີ່້ຈໍາເປັນຕ້ອງຂໍພື້ນທີ່ສ່ວນຕົວ, ເມື່ອເຈົ້າກຳນົດຂອບເຂດ ແລະ ສື່ສານໃຫ້ຊັດເຈນກັບຄົນອ້ອມຂ້າງເຈົ້າ, ເຈົ້າຈະບໍ່ຮູ້ສຶກວ່າຕ້ອງເຮັດໃຫ້ທຸກຄົນພໍໃຈຕະຫຼອດເວລາ.
5. ຍອມຮັບວ່າເຈົ້າບໍ່ສາມາດຊ່ວຍເຫຼືອທຸກຄົນໄດ້ ແລະ ຢ່າຢ້ານການວິພາກວິຈານ.
ບໍ່ມີໃຜສາມາດເຮັດໃຫ້ທຸກຄົນພໍໃຈໄດ້ຕະຫຼອດເວລາ ແລະ ການພະຍາຍາມເຮັດສິ່ງນັ້ນຈະເຮັດໃຫ້ເຈົ້າເສຍຄວາມສຸກຂອງເຈົ້າເອງ. ຕ້ອງຍອມຮັບວ່າບາງຄັ້ງມະນຸດເຮົາຈະມີມຸມທີ່ໃຈຮ້າຍແດ່, ແຕ່ວ່າບໍ່ຕ້ອງໃສ່ໃຈຫຍັງຫຼາຍ ເນື່ອງຈາກວ່າຄວາມສໍາຄັນຂອງເຈົ້າແມ່ນການຮັກສາຄວາມສົມດຸນລະຫວ່າງຄວາມຕ້ອງການຂອງຕົນເອງ ແລະ ຂອງຄົນອື່ນ,
ຫຼາຍຄົນຢ້ານຖືກວິຈານ ຫຼື ປະຕິເສດ. ເພາະສະນັ້ນ, ຢ່າພະຍາຍາມເຮັດທຸກສິ່ງທຸກຢ່າງເພື່ອບໍ່ໃຫ້ຄົນອື່ນພໍໃຈ.
ໂດຍ: ທີມບັນນາທິການ Muan
