Go Went Go ເປັນຄອນເທັນຄຣີເອເຕີໄທທີ່ໂດດເດັ່ນດ້ານການນຳສະເໜີການເດີນທາງໃນສະໄຕລ໌ທີ່ບໍ່ຄືໃຜ ເຊິ່ງເຖິງວ່າໃນຫຼາຍໆສະຖານທີ່ທີ່ລາວໄປອາດມີຄົນໄປມາກ່ອນແລ້ວ ແຕ່ລາວກໍຍັງສາມາດສ້າງມຸມມອງໃໝ່ໆ ທີ່ໜ້າສົນໃນໃຫ້ຜູ້ເບິ່ງໄດ້ສະເໝີ ໂດຍການພາຜູ້ຊົມສຳຫຼວດແຕ່ລະຈຸດຜ່ານການເລົ່າເລື່ອງທີ່ເຂົ້າເຖິງໄດ້ງ່າຍ ຄືກັບພາຜູ້ເບິ່ງອອກເດີນທາງໄປນຳກັນ.
ຕໍ່ໄປນີ້ແມ່ນສູດລັບສຳຄັນທີ່ເຮັດໃຫ້ຄອນເທັນຂອງ Go Went Go ເປັນທີ່ຈົດຈຳ.
1. Main Idea: ໜຶ່ງສະຖານທີ່ ຫຼາຍມຸມມອງ
Go Went Go ມີຄວາມສາມາດມາດພິເສດໃນການຖ່າຍທອດສະຖານທີ່ເກົ່າໃນມຸມມອງໃໝ່ໆ ເຊິ່ງລາວມັກຈະແນມຫາ “ມຸມມອງທີ່ຍັງບໍ່ມີໃຜເຫັນ” ຫຼື ມຸມມອງທີ່ແຕກຕ່າງຈາກທີ່ຄົນສ່ວນໃຫນ່ມັກຈະຈຳສະເໜີ. ການສ້າງສັນມຸມມອງທີ່ສົດໃໝ່ນີ້ ເຮັດໃຫ້ຜູ້ເບິ່ງຮູ້ສຶກວ່າສາມາດເບິ່ງເຫັນສິ່ງທີ່ພາດໄປ ແລະ ຊ່ວຍໃຫ້ປະສົບການເດີນທາງໃນແຕ່ລະສະຖານທີ່ມີຄວາມແປກໃໝ່ສະເໝີ.
2. Vlog ທີ່ຈິງໃຈ ແລະ ສົດໃໝ່
ການນຳສະເໜີແບບ Vlog ຂອງ Go Went Go ເນັ້ນຄວາມເປັນທຳມະຊາດ. ລາວເລືອກທີ່ຈະບໍ່ປຸງແຕ່ງຫຼາຍ ແລະ ພະຍາຍາມຖ່າຍທອດບັນຍາກາດ ແລະ ຄວາມຮູ້ສຶກຂອງລາວຕາມຄວາມເປັນຈິງ ສົ່ງຜົນໃຫ້ຄອນເທັນເບິ່ງສົດໃໝ່ ຄືກັບຜູ້ເບິ່ງເດີນທາງໄປພ້ອມກັນກັບລາວແທ້ໆ ສ້າງຄວາມຮູ້ສຶກເປັນສ່ວນໜຶ່ງໃນປະສົບການນັ້ນໆ.
3. Storytelling ເລົ່າປະຫວັດສາດທີ່ມ່ວນ
ອີກໜຶ່ງຈຸດເດັ່ນຂອງ Go Went Go ແມ່ນການເລົ່າເລື່ອງທີ່ມີສະເໜ່. ລາວມັກຈະເລົ່າປະຫວັດສາດ ຫຼື ເລື່ອງລາວເບື້ອງຫຼັງຂອງສະຖານທີ່ນັ້ນໆ ໃນແບບທີ່ເຂົ້າໃຈງ່າຍ ແລະ ມ່ວນ. ເຮັດໃຫ້ຄົນເບິ່ງມີຄວາມຮູ້ກ່ຽວກັບບ່ອນນັ້ນເພີ່ມຂຶ້ນ ແລະ ເມື່ອເດີນທາງໄປກໍຈະຮູ້ສຶກອິນກັບສະຖານທີ່ນັ້ນຫຼາຍຂຶ້ນ.
4. Visual ເຕັກນິກການຖ່າຍພາບ ແລະ ວິດີໂອທີ່ກວ້າງ ແລະ ດຶງດູດສາຍຕາ
Go Went Go ເລືອກໃຊ້ມຸມການຖ່າຍພາບທີ່ເນັ້ນຄວາມກວ້າງ ບໍ່ເນັ້ນທີ່ຄົນ ເພື່ອເຮັດໃຫ້ຜູ້ເບິ່ງຮູ້ສຶກວ່າໄດ້ເຂົ້າໄປຢູ່ໃນສະຖານທີ່ນັ້ນໆດ້ວຍຕົວເອງ. ລາວເສີມອີກວ່າ ການຖ່າຍພາບບຸກຄົນ ອາດເຮັດໃຫ້ຮູບພາບຖືກໂຟກັສຢູ່ທີ່ໂຕບຸກຄົນຫຼາຍກວ່າສະຖານທີ່ ແລະ ຜູ້ເບິ່ງອາດຮູ້ສຶກວ່າບໍ່ກ່ຽວຂ້ອງກັບໂຕເອງ.
ສະຫຼຸບຈາກຫົວຂໍ້ Content Creation Mastery ສູດລັບປັ້ນຄອນເທັນສະໄຕລ໌ Go Went Go ໃນງານ iCreator Conference 2024
ໂດຍ: ທີມບັນນາທິການ Muan
