ເຮັດແນວໃດຈຶ່ງຈະກາຍເປັນຄອນເທັນຄຣີເອເຕີທີ່ເປັນທີ່ໂດດເດັ່ນ-ເປັນ ICONIC? ສະຫຼຸບເຕັກນິກຈາກ session ທຳອິດ ຂອງ iCreator 2024
ໃນເຊດຊັນທຳອິດເປີດງານ iCreator 2024 ໂດຍ ຂະຈອນ ເຈຍຣະໄນພານິດ ໄດ້ມີການສະຫຼຸບກ່ຽວກັບຂໍ້ມູນກ່ຽວກັບແວດວົງຄອນເທນຄຣີເອເຕີຂອງໄທ ພ້ອມທັງໄດ້ເຜີຍ 3 ອົງປະກອບທີ່ເຮັດໃຫ້ຈຳນວນໜຶ່ງໃນພວກເຂົາເຫຼົ່ານັ້ນໂດດເດັ່ນ, ກາຍເປັນທີ່ຈົດຈຳ (iconic).
ທ່ານ ຂະຈອນ ກ່າວວ່າ ວົງການຄຣີເອເຕີຖືກຊຸກຍູ້ດ້ວຍ 3 ຢ່າງຄື: ຜູ້ເບິ່ງ (Audience), ແພລດຟອມ (Platform)
ແລະ ຜູ້ສະໜັບສະໜຸນ ເຊິ່ງເປັນ ແບຣນ ຫຼື ເອເຈນຊີ (Brand–Agency). ລາຍງານຈາກ Forbes ໃນປີ 2024 ໃຫ້ຮູ້ວ່າ ວົງການຄຣີເອເຕີໂລກມີມູນຄ່າ 25 ລ້ານລ້ານບາດ ເຊິ່ງເຕີບໂຕເພີ່ມຈາກປີກ່ອນ 28%. ພ້ອມນີ້ ກໍຄາດການວ່າ ວົງການຄຣີເອເຕີຈະເຕີບໂຕ 200% ພາຍໃນປີ 2027.
ໃນປະເທດໄທ, ຄົນທີ່ເຮັດວຽກເປັນຄອນເທັນຄຣີເອເຕີ ເຕັມເວລາມີຢູ່ປະມານ 2 ລ້ານຄົນ ແຕ່ຖ້າຜູ້ທີ່ມີຄວາມໂດດເດັ່ນ, ເປັນທີ່ຈົດຈຳ ຫຼື ມີຄວາມເປັນ Iconic ນັ້ນ ພວກເຂົາເຫຼົ່ານັ້ນ ລ້ວນແລ້ວແຕ່ມີອົງປະກອບ 3 ຢ່າງທີ່ເຮັດໃຫ້ເຂົາເຈົ້າກາຍເປັນແບບນັ້ນ ເຊັ່ນ:
– Identity: ຖ້າເຈົ້າຢາກເປັນຄຣີເອເຕີທີ່ເປັນ someone ຕ້ອງສ້າງຕົວຕົນທີ່ຊັດເຈນ, ມີຄວາມແຕກຕ່າງຫຼາຍໆ ມີຄວາມເປັນຕົວເອງ.
– Community: ຕ້ອງຮູ້ຈັກສ້າງ community ຫຼື ຊຸມຊົນຂອງຕົນເອງ. ໃນປີ 2024 ມີງານແຟນມີດຈາກຄຣີເອເຕີໄທຫຼາຍກວ່າ 100 ງານ ເຊິ່ງຖ້າເບິ່ງໃນເມື່ອກ່ອນ, ຄຣີເອເຕີຕ້ອງລໍຖ້າຮັບງານຈາກແບຣນ ຫຼື ເອເຈນຊີຕ່າງໆ ແຕ່ໃນຕອນນີ້ເຂົາເຈົ້າບໍ່ຕ້ອງລໍຖ້າຄົນອື່ນມາປ້ອນງານໃຫ້ ແຕ່ສາມາດສ້າງລາຍຮັບຈາກຄອມມິວນິຕີ້ຂອງເຂົາເຈົ້າເອງ.
– Longstanding: ການຢືນໄລຍະໃນວົງການຢ່າງຍາວນານ ມີການປັບຕົວ ແລະ ຮຽນຮູ້ຢູ່ຕະຫຼອດເວລາ ເພື່ອໃຫ້ໂຕເອງຢູ່ໃນວົງການໄດ້ຢ່າງຍາວນານ.
ຕິດຕາມການສະຫຼຸບເນື້ອຫາທີ່ໜ້າສົນໃຈຈາກງານ iCreator 2024 ໄດ້ຜ່ານທາງ Muan Specialty ໄດ້ຕະຫຼອດງານ.
ໂດຍ: ທີມບັນນາທິການ Muan
