ໃຜເຄີຍແອບຮັກໃຜຈັກຄົນແລ້ວບໍ່ກ້າທີ່ຈະເວົ້າ ຫຼື ບອກອອກໄປແນ່? ເຮັດຫຍັງກໍບໍ່ໄດ້ ຕ້ອງທົນອຶດອັດຢູ່ຄົນດຽວແບບນີ້ ໄດ້ແຕ່ຟັງເພງເພື່ອຄິດວ່າຈະຊ່ວຍໃຫ້ສະບາຍໃຈ.
ເພງ “ຮັກແຕ່ບໍ່ກ້າບອກ” ຂອງວົງ Yes ເພງເກົ່າທີ່ມີຄວາມໝາຍດີ ແລະ ຖ່າຍທອດຄວາມຮູ້ສຶກໄດ້ກົງກັບໃຈໃຜຫຼາຍຄົນ ດ້ວຍແນວເພງ Pop Ballads ທີ່ຖຶກອອກແບບມາໃຫ້ມີຄວາມໂຣແມນຕິກ ທີ່ເຂົ້າເຖິງອາລົມຂອງຜູ້ຟັງເຮັດໃຫ້ເພງໄດ້ຮັບຄວາມນິຍົມການນຳກັບມາຟັງໃໝ່ໄດ້ຕະຫຼອດ. ເປັນເພງທີ່ກ່ຽວກັບຄວາມຮັກທີ່ມີຕໍ່ໃຜຜູ້ໜຶ່ງ ແຕ່ບໍ່ກ້າເວົ້າອອກມາ ຫຼື ກ້າເປີດເຜີຍຄວາມຮູ້ສຶກນັ້ນ ເຊິ່ງເປັນສະຖານະການທີ່ໃຜຫຼາຍຄົນຕ້ອງເຄີຍມີຄວາມຮູ້ສຶກນີ້ມາກ່ອນ.
ສຽງເພງມີຈັງຫວະທີ່ຟັງໄດ້ງ່າຍ ມີຄວາມເລິກເຊິ່ງໃນເນື້ອຫາ ກັບຄວາມຮູ້ສຶກທີ່ສະຫຼັບຊັບຊ້ອນ ແລະ ສະທ້ອນເຖິງຄວາມຮູ້ສຶກທີ່ລະອຽດອ່ອນຂອງຄົນໃນສະຖານະການນີ້ໄດ້ດີ ມີຄວາມຄາດຫວັງໃນຄວາມສຳພັນພຽງເລັກນ້ອຍ ແຕ່ກໍບໍ່ກ້າທີ່ຈະສາລະພາບຄວາມຮູ້ສຶກໄປເພາະຢ້ານສູນເສຍສິ່ງທີ່ມີນັ້ນ ເຮັດໃຫ້ເກີດຄວາມບໍ່ສະບາຍໃຈ, ມີຄວາມຢ້ານ ເສົ້າໃຈ ແລະ ເຮັດໃຫ້ຕ້ອງເຊື່ອງຄວາມຮູ້ສຶກນັ້ນໄວ້ບໍ່ສາມາດສະແດງອອກໄດ້ຢ່າງເຕັມທີ່.
ເພງ “ຮັກແຕ່ບໍ່ກ້າບອກ” ເວີຊັ່ນນີ້ຍັງປະກອບໃນຊີຣີສ໌ ຮັກນີ້ສີບົວ 2 ເຊິ່ງເປັນເພງທີ່ສື່ຄວາມຮັກຂອງທັງນາງເອກ ແລະ ພະເອກໃນເລື່ອງໄດ້ດີ ເຊິ່ງມັນໄດ້ເໝາະສົມກັບຄວາມຮັກໃນໄວຮຽນທີ່ມີການແອບມັກກັນແຕ່ກໍຍັງຕ້ອງເຊື່ອງອາລົມຄວາມຮູ້ສຶກໄວ້.
ໂດຍ: ທີມຂ່າວບັນເທີງ Muan
#muan #ມ່ວນຊວນຟັງ #
