ເພງຂອງ Thinlamphone Mahavong ໄດ້ປ່ອຍອອກມາໃຫ້ໄດ້ຟັງແລ້ວເດີກັບເພງທີ່ມີຊື່ວ່າ “Gravity”.
ຈັງຫວະຂອງສຽງດົນຕີໄດ້ເລີ່ມຂຶ້ນແມ່ນເຮັດໃຫ້ສະກົດຈົນໄດ້ຢຸດຟັງ ແລະ ການກັບມາຄັ້ງນີ້ແມ່ນມີກິ່ນອາຍຄວາມອິນເຕີປະສົມກັບຄວາມເປັນລາວຖືວ່າເຮັດໄດ້ດີ ແລະ ລົງຕົວສຸດໆ.
ເພງນີ້ຍັງໄດ້ນັກຮ້ອງ-ນັກແຕ່ງເພງຢ່າງອ້າຍ ແຊມ ອິນທາຣາພິທັກ ເຈົ້າຂອງເພງດັງ “I’m Sorry, ບໍ່ມີວັນຈະໄດ້ຮັກກັນ ແລະ ເກັບໃຈໄວ້ໃຫ້ເຈົ້າ” ມາຊ່ວຍແຕ່ງ ແລະ ຮຽບຮຽງເມໂລດີ້.
“ຕົກຂຸມຮັກ ໂດຍບໍ່ຮູ້ຕົວ ພຽງສົບຕາກັນບໍ່ເທົ່າໃດ ກໍ່ໄດ້ໃຈຂ້ອຍໄປ”
ເນື້ອຮ້ອງແມ່ນໄດ້ບອກເຖິງຄວາມຫຼົງໄຫຼທີ່ຕ້ອງຢຸດທຸກຢ່າງເພື່ອຫຼົງໄຫຼເຈົ້າ ແລະ ປະກອບກັບໃນເອັມວີແມ່ນໄດ້ເລົ່າເຖິງເຫຼົ່າສາວງາມທີ່ມີຮູບລັກສວຍງາມຈົນແອັດຄິດວ່າໜ້າຈະແມ່ນນາງມັກກະລີຜົນທີ່ຢູ່ໃນປ່າຫິມະພານ.
ແຕ່ລະຊີນຍັງມີຊຸດງາມໆທີ່ຫຼາກຫຼາຍສະແດງໃຫ້ເຫັນເຖິງຄວາມມີມິຕິ, ປະກອບກັບ Performance ຂອງຖິ່ນລຳພອນທີ່ເຮັດໃຫ້ແອັດຕື່ນຕາຕື່ນໃຈຈົນຕ້ອງເບິ່ງຊ້ຳໆ.
ເພງນີ້ໄດ້ສື່ຄວາມໝາຍແບບກົງໄປກົງມາເຮັດໃຫ້ເຂົ້າໃຈໄດ້ທັນທີວ່າໝາຍເຖິງຫຍັງ, ເອົາເປັນວ່າຢາກບອກຮັກໃຜກໍສົ່ງໄປໄດ້ເດີ.
“ຫຼົງຮັກເຈົ້າແລ້ວ Baby ຢາກໄດ້ເຈົ້າມາເປັນ Gravity”
ເພາະເນື້ອເພງໄດ້ບອກວ່າຄົນຜູ້ໜຶ່ງທີ່ປຽບເໝືອນມີອຳນາດ, ມີແຮງດຶງດູດພຽງສົບຕາກໍຕ້ອງຫຼົງໄຫຼເຮັດໃຫ້ຕົກເປັນທາດ.
ໂດຍ: ທີມບັນນາທິການ Muan
